O MpDC lembra que hoxe celebra unha mesa redonda sobre abusos policiais e dereito á folga

O Movemento polos Dereitos Civís, dentro da Semana Cultural, lembra que hoxe ás 20:00 no Club Internacional de Prensa (avda. Da Coruña, 6, Compostela) terá lugar unha mesa redonda na que se debaterá sobre dous temas de actualidade como son os abusos policiais e o dereito á folga.

En canto as e os participantes, expertas e expertos na materia coma Miguel Ángel Fernández Rodríguez (avogado), Eva Vales Fernández (asesora xurídica do MpDC) e Carlos Aymerich Cano (voceiro do grupo parlamentario do BNG), esta mesa pretende visivilizar, como tantas outras veces ten feito o colectivo, as eivas e mermas que en moitas ocasións sofren os dereitos civís cando se trata de cada un dos temas propostos. A asistencia ao acto é libre e de balde.