O MpDC considera desproporcionada a sanción imposta por exhibir unha faixa

O MpDC cualifica como “desproporcionada” a multa de 3000 euros a cada un/unha das persoas que en 2006 desplegaron unha faixa na que se podía ler "Stop xuízos políticos, BRILAT fóra!".

En total serían 9000 euros os que indica a sentenza que deben pagar os tres mozos condenados a tal efecto en 2008 cuxo obxectivo era denunciar o xulgamento de tres antimilitaristas que en 2006 participaran no boicot a un posto de captación desta unidade militar na Alameda de Pontevedra.

Desde o Movemento polos Dereitos Civís considérase excesiva a dita sanción, tendo en conta que a aplicación da Lei contra a Violencia e a Xenofobia no Deporte, na que se basearon neste caso para dictar a sentenza non se aplica do mesmo xeito para todos, pois faixas reividicativas poden verse cada día nos partidos de fútbol.

O MpDc solicita a aplicación igual da lei para todas e todos e lembra isto unha vez máis ás forzas e corpos de seguridade do Estado, ás institucións públicas e á Xustiza.