O Tribunal de Dereitos Humanos de Estrasburgo condena ao Estado español a indemnizar con 170.000 euros a Mikel Iribarren

O Tribunal Europeo de Dereitos Humanos, con sede en Estrasburgo condenou ao Estado español a indemnizar con 170.000 euros a Mikel Iribarren polas secuelas causadas polo impacto dun bote de fume lanzado por un policía nacional en 1991. O tribunal, que insta a España a efectuar o pago nos próximos tres meses, acorda por unanimidade que o Estado violou "a prohibición de someter ás persoas a tratos inhumanos ou degradantes" que recolle o artigo 3 do Convenio Europeo de Dereitos Humanos. A sentenza determina ademais que os tribunais nacionais "non consideraron suficientemente a gravidade das feridas e secuelas", e que o proceso xudicial non tivo un "prazo razoable", polo que cre vulnerado o seu dereito a un proceso público con todas as garantías.

Máis en noticiasdenavarra.com