Os feitos que se denuncian aconteceran o dia anterior, 30 de Decembro, cando unha discusión entre o condutor dun veículo e un viandante provocou a actuación dos axentes municipais. Unha actuación inxustificadamente violenta (o viandante foi imobilizado, alxemado e deitado no chao) que levou o Presidente da Asociación PreSOS Galiza a dirixir-se aos axentes para tentar deter a agresión. Intervención a que os funcionários encarregados de facer cumprir a lei responderon con ameazas e insultos: “ti sempre tocando o carallo... e fodendo a actuación policial”, “es un advogaducho de merda, defensor de causas perdidas”, “agora vamos denunciar-te a ti por obstaculizar o labor policial”, “se non te calas imos deter-te a ti, ten cuidado”, etc.
Nesa altura, cando xa eran várias as persoas que protestavan contra a actuación policial, chegaron outros tres axentes municipais a bordo de un Nissan Patrol no que introduciron violentamente o detido.
Na sua denúncia, Fernández del Buey solicita se proceda a incoar dilixéncias investigatórias con o fin de depurar as posíveis responsabilidades penais nas que pudesen ter incorrido os axentes que participaron nestes feitos como autores de un delito de lesións, ameazas e coaccións.
Asi mesmo solicita se proceda à exploración e revisión médica do detido con carácter urxente encanto persisten as evidéncias fisicas da agresión de que foi vítima e se adopten medidas de carácter cautelar para evitar novas agresións, físicas ou psicolóxicas.
Reclama tamén que se requeira ao Concello de Santiago de Compostela a fin de identificar e tomar declaración aos axentes que conducian os veículos descritos na denúncia.
Por: Esculca
0 comentarios:
Publicar un comentario