A Comisión de Petición do Parlamento Europeo admite unha petición por censura informativa.

A Comisión de Peticións do Parlamento Europeo decidiu solicitar á Comisión Europea que “adopte unha postura sobre os diferentes aspectos” da denúncia de manipulación informativa realizada polo Movimento polos Direitos Civís, pola cobertura da catástrofe do Prestige.



O Movimento polos Direitos Civís tramitou a sua petición de que se investigue a actuación do estado español e do governo galego, no mes de decembro do pasado ano, pola vulneración de direitos fundamentais –recollidos no artigo 20 da Constitución española- como son o direito á información e o direito a recibir información “veraz”, na cobertura da catástrofe do Prestige.



A Comisión de Peticións recibiu máis información para fundamentar a solicititude de investigación do Movimento polos Direitos Civís nos meses seguintes, remitindo-se-lle mesmo a senténcia que recoñecia a censura informativa por parte de TVE. Tras este proceso prévio, a Comisión aceitou finalmente a trámite a solicitude de iniciar o procedimento.



O Movimento polos Direitos Civís non pode menos que sentir-se satisfeito coa decisión da Comisión e espera que, coa multitude de probas existentes que demostran a existéncia de censura informativa, se adopten medidas que obriguen tanto aos governos estatal e galego, como aos méios públicos a respeitar direitos fundamentais que están sendo constantemente vulnerados. Unha censura que impide que os cidadáns reciban información veraz sobre todo tipo de feitos, e máis sobre algúns tan relevantes como o afundimento do Prestige e as suas consecuéncias.

Seguir lendo

O “Defensor del Pueblo” investigará a actuación policial na concentración de NM do 25X

O pasado mes de outubro aceptou unha Queixa formulada polo MPDC onde se denuncia a vulneración dos dereitos fundamentais de manifestación, reunión e libre circulación

O MPDC comunica que o Defensor del Pueblo investigará a actuación policial levada a cabo durante a concentración de Nunca Máis do pasado mes de Xullo, cando a Policía Nacional impediu a entrada de cidadáns á Praza do Obradoiro polo simple feito de levar algo alusivo a NM.

A queixa foi acompañada de fotos dos policía e de contactos de cidadáns que se ofreceron a testemuñar xa que os efectivos policiais negáronse a identificarse e a levar aos cidadáns que criticaban a súa a actitude aos seus superiores.

Os feitos denunciados supoñen vulneración de dereitos fundamentais como o de libre circulación, manifestación e reunión có agravante da confusión creada os días previos no que a Delegación do Goberno prohibiu a concentración de NM e logo tivo que permitila por mor de sentencia do TSXG. A raíz desta confusión e ante o impedimento de acceder ao Obradoiro por parte da policía houbo xente que non participou na concentración; obxectivo último, entendemos nós, da actuación policial.

O MPDC solicitou ao Defensor del Pueblo que tivera en conta os feitos denunciados nesta queixa ante unha hipotética modificación da Lei de Corpos e Forzas de Seguridade do Estado que temos solicitada por mor da indefensión que sofre á cidadanía frente as negativas a identificarse por parte dos membros das distintas policías.

Seguir lendo