O MpDC denuncia que os usuarios das bicis públicas en Compostela poderían estar sendo gravados de xeito ilegal

O Movemento polos Dereitos Civís (MpDC) constatou nos últimos días, a raíz de varias queixas remitidas á asociación, a presenza de videocámaras instaladas nos distintos puntos de préstamos de bicicletas do concello de Santiago. “Dado que as cámaras están a gravar espazos públicos, requiren dunha autorización para a súa posta en funcionamento, precedida dun informe favorable da Comisión de Garantías”, sinala a organización. O Movemento vai presentar dous escritos perante o Concello e a Delegación do Goberno coa intención de asegurarse de que existe unha autorización para o uso da vídeo-vixiancia “e de que non se están a lesionar os dereitos á intimidade e á propia imaxe dos cidadáns”.

En Gznacion.com