Ola lector ,  benvido  |  entra  |  rexístrate agora  |  Axuda?

O MpDC cre que a disputa do pasado martes entre cidadáns e policía en Ferrol se debe ás continuas actuacións desafortunadas das Forzas de Seguridade

Written By Virgulino on 3/9/09 | 12:56


Segundo puido coñecer o Movemento polos Dereitos Civís, o pasado martes produciuse unha trifulca espontánea motivada, ao entender da asociación, polos continuos abusos dos Corpos e Forzas de Seguridade na cidade de Ferrol. Deste xeito, a Policía intentou deter un inmigrante, o que provocou unha reacción por parte da cidadanía que se atopaba na zona e que tratou de repeler os ataques dos policías evitando unha vez máis o abuso de autoridade contra este colectivo social.

O MpDC pregúntase que podería ter producido tal solidariedade na cidadanía cara unha persoa de orixe senegalés para provocar tal trifulca na rúa, xa que se actuación policial fose correcta, parece difícil pensar que as persoas que alí se atopaban saísen na súa defensa e contra as Forzas e Corpos de Seguridade do Estado. Aos ollos do Movemento, a causa pode ser o feito de que a cidadnía estea cansada de observar abusos contra os colectivos máis desfavorecidos, incluso facendo un uso abusivo da forza. Para o Movemento, se toda a cidadanía que estaba nese momento na rúa se rebelou contra tal actuación policial o motivo non foi outro que a habitualidade coa que se cometen inxustizas por parte dos corpos e forzas de seguridade.

Por todo isto, o Movemento polos Dereitos Civís solicita á Policía que indague nas súas actuacións para coñecer a orixe da reacción cidadá. Asimesmo, o MpDC solicitará aos responsábeis das Forzas e Corpos de Seguridade que incidan nos seus axentes para que actúen sempre defendendo os dereitos e liberdades das persoas, atendendo sempre á súa condición como tal, como persoa, e non pola súa orixe ou cor de pel. De non ser así, é posíbel que reaccións dese tipo volvan acontecer.

10 comentarios:

Nemigo dijo...

o acontecido (mellor dito, o que din aconteceu) non ten nin pes nin cabeza. Comos se van a opor os cidadáns e maís de xeito violento á policía na rúa de xeito "espontáneo"

A descripción dos feitos parece describir unha batalla campal. No video non se ve tal. Vese a 7 SETE policías algún cunha porra na man dando colpes a todolos lados e a un home acurralado tentando que non lle peguen. Non hai tumulto algún e moito menos agresións de cidadáns

Anonymous dijo...

Parecedes non entender, ou non querer entender, o carácter estrutural do acontecemento de Ferrol e como resultado desa deficiencia de partida sodes impotentes para formular solucións acaídas.

A "medicina" contra o ocorrido en Ferrol non é que a Policía Local se investigue a si mesma, que Rubalcaba redacte um manual de "boas práticas" para os seus muchachos ou que os responsábeis (?) das FyCSE chamen á orde aos seus pupilos.

Cómo podedes clamar pola contención, a mesura e a moderación dos verdugos? Qué é o que vos leva a acreditar, contra o sentido común maioritario nesta cuestión no noso país que hai tempo que non pide peras ao olmo, na rexeneración desde dentro dos corpos policiais? Qué sentido ten deixar unha investigación deste tipo em mans dos propios policías?

Ao final sodes os defensores da violencia policial "na súa xusta medida" ou, se se quer, a "extrema esquerda" do Pensamento Único.

Nemigo dijo...

Temos a unha persoa acusada de raiar carros. Un delito de estragos, unha gamberrada vamos. De ahí pasamos a un caso de agresión, danos persoais, feridos e demáis. Un pregúntase pra que serve a policía?
Pasar dunha gamberrada a unha situación de cadea... pra que serve a intervención policial? Foi peor a medicina que o mal

Vai anos un xefe policial de Los Ángeles dicía que non ían perseguir aos conductores que se saltasen un semáforo. Cando os perseguían (ata con helicóptero) a desfeita e danos chegaban a extremos incribles

Anonymous dijo...

¿Policía local?, vese que estades ben informados.

Anonymous dijo...

Vergonza é o que sinto. Son un firme defensor dos dereitos civís e este artigo dóeme na alma. Vos dades mal nome a estos dereitos. O chaval, sexa cal sexa a sua cor de pel, era un delincuente. Non raiaba só os coches da rúa (o cal é delito) senón que estaba ameazando á xente que lle chamaba a atención. A unha señora púxolle o destornillador no peito, a unha parella que lle chamou a atención encaróuselle coa arma por tres veces e a un neno que lle dixo que ese coche era do seu pai o amenazou de morte blandedo o destornillador. Este rapaz chamou á policía mentres perseguía de lonxe ó delincuente. Ía dicíndolles ós policías por donde se movía o individuo e facía signos á xente para que non lle chamaran á atención, xa que era claramente violento. Este rapaz é un defensor real dos dereitos civís e non vai sair en ningún medio. A este rapaz habería que darlle unha medalla e animalo a seguir así.

A vos habería que darvos unha cura de honradez. Non vos informástedes de nada, a policía era nacional, non local, o rapaz negro non foi apaleado pola sua cor de pel, senón por ser extremadamente violento e amenazar á xente civil que paseaba pola rúa. Nas imáxenes se observa cómo a policía lle da cunha porra na mán a primeira vez e logo no lombo.

Síntoo, pero organizacións como a vosa dan mal nome ós Dereitos Civís. Estádeslle dando armas ós oligarcas e ós demagogos para reducir aínda máis a penosa situación na nosa terra. O que máis me molesta é que, en vez de informaros, probablemente critiquédesme sen nengún tipo de información nin lóxica.

Anonymous dijo...

Penso que no artigo chámase a atención sobre a reacción dos cidadáns (que denuncia a propia policía) e busca unha explicación sobre iso, non se xustifica a actuación do detido.

Anonymous dijo...

A miña anterior resposta era una crítica conxuta a esta organización e ós comentarios. O artigo é unha sarta de acusacións vacías de contido. Básicamente afirmades que "se a xente reaccionou así por algo será". Non aportades ningún documento, ningún caso no que a policía de Ferrol actuase de maneira desproporcionada que provocase a ira da xente.

Vouvos explicar o que pasou; a xente que estaba na rúa encarouse cos axentes porque pensaban que o delicuente en cuestión se dedicaba exclusivamente a vender cedés na rúa e que os axentes o perseguían por iso. Eu estaba ahí e falei con xente que se encarou coas autoridades e cando os que sufrimos as iras de este delicuente explicábamos a situación á xente, estos calmábanse.

En Ferrol hay moitos chavales que venden cedés que son moi queridos, pero moito. Este en concreto ten varias denuncias por actos violentos. A xente non o recoñeceu, pensou que era un de eses veciños queridos e actuóu na súa defensa sen preguntar.

Non coñezo casos de malos tratos en Ferrol por parte da policía nos últimos 15 anos. Anteriormente estos casos se centraban en desaloxos de familias de etnia xitana ou en accións contra drogadictos. Hoxe por hoxe a policía en Ferrol, polo que eu vexo e comento coa xente, é bastante aceptable.

Eso sí, se existe algún caso de violencia que vos coñezades, presentádeo, o investigamos entre todos e sacamos conclusións. O que non podedes facer é unha crítica velada a un corpo polo simple feito de facer o seu traballo e levar un uniforme. Eu estaría encantado de que neste mundo non tiveran que existir nin policías nin exército, pero por desgracia non é así. A veces o seu traballo é moi desagradable e sempre hai que coidar que non se extralimiten, pero se denunciamos momentos nos que están facendo un servicio á sociedade civil estamos metendo a pata ata o fondo. E máis se os sinalamos sen probas.

Movemento polos Dereitos Civís dijo...

En relación cós comentarios onde se critican o posicionamento do MpDC en relación cós feitos acontecidos en Ferrol, queremos aclarar:

É habitual que esta organización teña coñecemetno de actuacións desproporcionada e desafortunadas dos Corpos e Forzas de Seguridade.
A información que recibimos ou chegamos a coñecer é unha ínfima parte dos abusos que acontecen pois os afectados non consideran que a Xustiza vaia actuar contra os Corpos de Seguridade e resulta moi costoso e traballoso levar adiante un proceso destas características (esta asociación así o ten comprobado en primeira persoa, motivo polo que raras veces chegamos ao Xulgados con estes asuntos)
A cidadanía non se encara cós Corpos e Forzas de Seguridade de forma gratuíta, máis ben non no fai ni cando hai casos fragantes de abusos. Motivo polo que deducinos que, aínda non defendeno á persoa adecuada, cousa que non sabemos, actuaron en base ao coñecemento que poden ter da corrección das actuacións policiais.

Un saúdo.

Anonymous dijo...

Volvedes ó mesmo, non presentades argumentacións de ningún tipo, simplemente nos pedides que confiemos na vosa palabra. Criticades unhas actuacións policiáis pero nin sequera sinalades cales son. Non as investigades (hai métodos para facelo), probablemente non traballedes con ningún medio de comunicación para indagar nelas e conseguir probas fiables...

Para mí o roio de "confiade en mín" é algo valeiro de sentido. Eu estiven na rúa cando sucedeu todo e falei coa xente que defendía ó delincuente. Sei de sobras porqué o facían, informeime. Agora, ¿faláchedes vos con esa xente? ¿Fúchedes alí a informarvos ou simplemente aceptástedes a información que vos deron unha recua de amigos?

Para mín esa forma de actuar non sirve. Tirar a pedra e esconder a man. Non vexo nada válido nas vosas acusacións. Eu podo acusar tamén sen probas nin indicios de nada. Isto recórdame a cando no instituto un chaval dicía que había folga e todos saíamos do recinto escolar sen preguntar porqué e que buscábamos. É o mesmo, escoitamos "inxustiza" e sen informarnos nin aportar indicios soltamos graves inxurias. Isto a mín non me vale, non creo que estedes facendo un bo traballo e iso dóeme moito, porque son un acérrimo defensor dos dereitos civís.

eu mesmo dijo...

No ano 2001, nunha folga, despois dunha carga policial (xa rematara); un compañeiro e eu estabamos perto de balaidos decindindo si ir ao piquete do Alcampo oua oa pique de Barreras. Só quedábamos nolos dous, non había ninguen máis, ni se estaba facendo absolutamente nada irregular.

Por sorpresa para un furgoneta da policía no extremo da rúa onde estábamos, baixan cinco policías con cascos e porras e botan a corre detrás nosa. Por acto reflexo nós corrimos en dirección contraria. O meu compañeiro conseguiu escapar pero eu resbalei. Os cinco policías golpearon en mi coas porras de forma continuada mentres eu estaba no chan en posición fetal. Cando consideraron que eu xá non me podería mover, pararon. abriron a miña mochila, rasgaronna e tiraronna no chan e logo marcharon. Me deixaron tirado no meio da rúa detrás de balaídos sin poder levantarme, calquera coche me podía haber atropelado.

Presentei denuncia e o xulgado me reclamou que identificara aos policías. non se molestaron en reclamar as gravacións das cámaras da zona, ni pedir o parte dos policías que estaban de servizo nesa noite e me pedían que descubrira a identidade de cinco paisanos con cascos e todos vestidos de azul.

Durante un ano fun cliente habitual dos hospitais atá que me operaron do xoello.

Que me decís de Mamadou Kane? ese conseguiu que condenaran aos policías pero logo foron indultados.

En serio pensais que con todo isto, que é unha pequena parte do que se coñece, a xente actúa contra a policía porque si?

Publicar un comentario