Ola lector ,  benvido  |  entra  |  rexístrate agora  |  Axuda?

O Movemento polos Dereitos Civís apoia a manifestación polo indulto dos tres do Eixo

Written By Virgulino on 24/10/08 | 13:23

O Movemento polos Dereitos Civís manifesta o seu total apoio á manifestación convocada a prol do indulto para Simón Márquez, Xosé Moreira e Xesús Montoiro, os tres veciños do Eixo encarcerados por agredir supostamente a un policía durante unha manifestación. Dende a asociación quérese facer un chamamento ós galegos e galegas para que participen na concentración e a gaiteirada previstas para as 20:30 horas desta tarde, na compostelá Praza do Toural.

O MpDC aproveita a ocasión para reiterar a súa solidariedade cos tres cidadáns, agora que está a piques de cumprirse un ano da súa entrada no cárcere de Curtis. O Movemento continuará apoiando as iniciativas veciñais que denuncien esta inxusta situación, motivada por unha decisión xudicial arbitraria e unha investigación policial nada concluínte.

3 comentarios:

Publicar un comentario