A videocámara da Praza do Toral amózase inútil

Nova rotura de lunas nunha zona que conta con videovixilancia

Coa nova rotura dun cristal dunha farmacia no casco vello de Compostela, maniféstase –por enésima vez- a inutilidade dos dispositivos de videovixilancia colocados desde o ano 99 na zona, co cal québrase o único argumento dos seus defensores. Precisamente esta zona é a que vén sufrindo máis incidentes similares nos últimos tempos, recollidos con profusión de detalles na prensa local co mesmo guión: violencia nocturna de descoñecidos, alarmismo pola extensión do vandalismo, lamentos dos comerciantes e reclamación de novas medidas para atallar o problema. As cámaras –que, para colmo, segundo o sarxento da Policía Local, non gravan- non serven como elemento disuasorio nin foron útiles para resolver un só suposto delictivo na cidade.

Desde o MpDC queremos denunciar a persistencia do Concello de Santiago en manter unhas instalacións que son inútiles para o fin concreto para o que se colocaron, mentres invaden a intimidade dos cidadáns constantemente, co cal a ninguén debería estrañar que causen polémica de xeito constante.

Como é coñecido, do MpDC discrepamos notabelmente da interpretación do Concello, e non consideramos que estes pequenos feitos violentos xustificasen por si mesmos as limitacións dos dereitos do conxunto da cidadanía, tamén a que non realiza delito ningún; aínda así é chamativo que só se garante a vixilancia contante sobre a cidadanía que percorre as rúas de Compostela mentres non se resolve ningún destes episodios de violencia. Isto vén reforzar a nosa convicción de que a suposta “seguridade cidadá” é tan só unha excusa con certo grao de aceptación social que é utilizada polas institucións para potenciar mecanismos de control sobre a cidadanía. Isto confírmase có feito de que nas manifestación e concentracións que se realizan ou pasan por esa Praza receben un importante seguemento por medio desas cámaras.