O SINDICATO LABREGO GALEGO APOIA A CONCENTRAÇOM QUE TERÁ LUGAR MANHÁ À TARDE NA DEFESA DOS DIREITOS CIDADAOS.

O Sindicato Labrego Galego, força integrante do Movimento pelos Direitos Civis, quer amosar a sua preocupaçom pelo usso que se está a fazer da Policia Local em Compostela, que em troques de cumprir com a sua funçom de atençom cidadá, controlo do tráfico,... está a ser destinado a outras funçons meramente repressivas por parte das autoriedades políticas responsáveis, nomeadamente, o Concelheiro de Segurança cidadá José Baqueiro. O que devera de ser um corpo próximo aos vizinhos e vizinhas de Compostela, é visto com recelo e desconfiança pelo grosso da povoaçom.





Este responsável da Policia Local tem manifestado recentemente confiar cegamente neste corpo e a racionalidade das suas actuaçons, o qual só teria duas explicaçons: ou é ele o responsável destes actos, como responsável político do seu funcionamento,ou é um ingénuo infeliz que nom tem conhecimento real do que fam, o qual o convirte de todas todas num irresponsável já que a sua funçom é a direçom deste corpo.



Nos últimos tempos estamos a viver um recorte paulatino e constante das liverdades, tanto individuais como colectivas das pessoas, que petam frontalmente com o modelo social e participativo que desde o SLG, como desde outros colectivos, promulgamos. Assim nom é de estranhar a massiva abstençom na última cita eleitoral correspondente às eleiçons europeis, e o constante empurre faze à marginalidade imposto aos colectivos e pessoas que nom pensam nas mesmas claves que o sistema imperante. Se quadra esse é o objectivo buscado pelo Concelheiro de Segurança, no que parece parte dumha estratégia para conseguir umha cidade aséptica, desideologizada e desencantada e que nom reflicta nas suas paredes e ruas os ancelhos, os protestos, as inquedanzas dos seus moradores e moradoras.