A AGPD inicia procedimente para declarar infractor ao Concello de Cee polas cámaras de videovixiancia

• Cee tardou cinco meses e medio en contestar ao requerimento de Protección de Datos
• Hai 3 cámaras exteriores; 1 con zoom e posibilidade de movemento.
• Non existe arquivo de videovixiancia na Axencia Española de Protección de Datos a nome do Concello de Cee
• A infracción sería grave segundo a AGPD

A AGPD ven de informar ao Movemento polos Dereitos Civís que abre procedimento de declaración de infracción de administación públicas contra o Concello de Cee por non ter declarado ningún arquivo de videovixiancia perante a AGPD e dispor de 3 videocámaras no exterior do Concello. As cámaras siguen instaladas a pesar que o Concello instalounas sin ningunha autorización por parte da autoridade competente, ou sexa a Delegación do Goberno, Ademais, cando se instalaron non tiñan sinalizando a zona como videovixiada, requisito que, segundo o Concello nun escrito de Marzo do 2011 xa se estaría cumplindo.

O MpDC denunciara que a Delegación do Goberno non autorizara ningunha cámara no Concello de Cee xa que ninguén solicitara a mencionada autorización. Iso xa demostraba que as cámaras era ilegais. Ademais, que tampouco existía comunicación do rexistro de gravacións á Agencia Española de Protección de Datos, algo que ven de confirmarse. Nembargante, o MpDC considera que o feito de que as cámaras sigan instaladas é culpa da Delegación do Goberno e non do Concello. Tanto o Concello de Neda (que vai instalar cámaras aínda cando non conte con autorización da Delegación do Goberno), como o Concello de Cee (que xa as ten) non fan máis que aproveitarse da permisividade da Delegación do Goberno que non toma ningún tipo de medida contras as instalacións ilegais, é máis, autorizaas a posterior.

Esa autoridade, que outorga os permisos para as cámaras, ten coñecemento das cámaras ilegais de Cee e non actúa. Como tampouco actuou contras as cámaras de Ares ou as da Estación de Autobuses de A Coruña (ambas instaladas sen autorización e permitidas pola Delegación).

A Delegación do Goberno tamén mantén autorización para cámaras que non cumpren có principio de idoneidade e proporcionalidade, necesarios para a súa instalación. Ás cámaras da zona vella da Coruña non serviron para diminuír o botellón e os empresario do polígono do Ceao (Lugo) queixanse desde fai máis dun ano da ineficacia das máis de 30 cámaras instaladas no polígono. A pesar de que as cámaras non cumpren có principio de idoneidade (non son idóneas para diminuír o botellón ou os roubos) e có de proporcionalidade (existen outros métodos menos dañinos para os dereitos fundamentais para lograr o mesmo fin que coas cámaras – declaración de Zona de Especial Protección na Coruña e vixilancia privada no Polígono) a Delegación non retira as autorizacións e sigue legalizando as cámaras instaladas ilegalmente.

ler o resto do texto

Disminue os partidarios da videovixiancia segundo os datos do CIS

• Aínda que a cantidade é baixa amosa unha tendencia.

No ano 2008 o CIS publicou a súa primeira enquisa sobre a percepción que teñen os cidadáns sobre a videovixiancia. Daquelas o 73,2% dos enquisados eran favorables a que se instalaran cámaras, no 2009 a porcentaxe baixou ao 68,9 e no 2010 ao 68.3. Pola contra, a porcentaxe de persoas contrarias á videovixiancia pasou do 9,5 no 2008 ao 10% no 2009 e ao 13,7% no 2010.

Para o Movemento polos Dereitos Civís estes datos son moi significativos pois na situación de crise económica na que nos atopamos, os cidadáns son mais favorables a medidas que consideran que poden aumentar a súa seguridade.

Mesmo así, no ano 2008 o 71.1% das persoas favorables á instalación de videovixiancia consideraba que esta proporciona maís seguridade, máis protección, menos medo, en canto no ano 2009 este porcentaxe baixou ao 66.4. No 2010 no se fixo esta pregunta.

É evidente que a medida que a videovixiancia se fai máis cotidiana, disminue o apoio a súa instalación. A enorme proliferación de cámaras polas cidades e a difusión de imaxes sin control nos medios de comunicación comeza a evidenciar os perigos que conlevan.

ler o resto do texto