O MpDC denuncia o proceder do Defensor ao iniciar este investigacións sen probas

O Defensor del Pueblo estudará posibles actos de repudio a opositores cubanos. Ao respecto, o Movemento polos Dereitos Civís pregúntase cales son as competencias que lle permiten investigar ao Consulado de Cuba, tal e como afirmou que fará.

O colectivo vén de enviar un escrito ao propio Defensor no que se interesa polo feito de que esta figura se negase en repetidas ocasións a realizar investigacións a iniciativa do MpDC alegando falta de competencia.

Das accións do propio Defensor cabe pensar unha vez máis que poida estar actuando movido polos intereses institucionais e non atendendo á natureza dos feitos que se lle presentan. Por isto, Dereitos Civís denuncia de novo a indefensión ante a que se atopa tanto el como colectivo como a cidadanía en xeral tendo que asistir a estas repentinas ansias de

O Defensor del Pueblo, Enrique Múgica, vai investigar se empregados do consulado de Cuba Compostela repudiaron a un grupo de opositores cubanos que chegaron á capital galega logo de percorrer un tramo do Camiño de Santiago para denunciar a falta de liberdade na illa.

Múgica enviou unha notificación aos colectivos denunciantes, Cuba Democracia ¡Xa! e OZT, Eu acuso ao Goberno cubano, na que lles informa de que se iniciou o estudo do asunto", segundo un comunicado de ambas as organizacións.

Na denuncia relátase que o grupo de catro cubanos e un español foi apupado e increpado por partidarios do réxime castrista o pasado 9 de abril fronte ao consulado do país caribeño na capital galega logo de concluír a súa marcha pola ruta xacobea.

O Defensor del Pueblo confirmou o envío desta carta, con data 21 de abril, que representa un "acuse de recibo da denuncia", sen prexulgar se se deron ou non as accións de repudio. É por iso que o Movemento polos Dereitos Civís fai pública esta queixa ao tempo que lla remite a propio Defensor, xa que se esa institución actúa de oficio cando non hai probas que aclaren os feitos, cando si as hai, como nas ocasións nas que o MpDC lle envía os seus escritos, estes son respondidos con total indiferenza e desleixo.