Expedientan ó presidente da Unión de Gardas Civís por participar nunha manifestación.

Miguel Anxo Lezcano, presidente da Unión de Gardas Civís (UGC), foi expedientado, por dúas faltas moi graves, polo Instituto Armado pola súa asistencia á manifestación policial que tivo lugar en Madrid o pasado 18 de outubro. A institución segue a apostar por unha política de oscurantismo e opacidade.

O expediente ten que ver coa manifestación que os sindicatos policiais promoveron o pasado 18 de outubro en Madrid para pedir melloras salariais e laborais. Á convocatoria sumáronse asociacións de gardas civís, a pesar das advertencias que lles fixo Francisco Javier Velázquez.

Dáse a circunstancia de que Lezcano é o cabeza de lista da candidatura de cabos e gardas que a UGC presentará ás eleccións do Consello da Garda Civil, que terán lugar o próximo 22 de xaneiro. A este respecto, Lezcano cualificou o expediente que se lle abriu como "ameaza moi grave" aos comicios internos no Instituto Armado.