Condena de cárcere a outros dous mossos por humillar e lesionar a un detido

Os escándalos seguen salpicando á policía catalá. Outros dous axentes dos Mossos d'Esquadra foron condenados a unha sentenza de cárcere -neste caso a seis meses cada un- por ter denigrado a un detido. Ademais, deberán afrontar unha multa de 450 euros por unha falta de lesións. É a segunda condena de cárcere en tres meses despois de que outros tres policías autonómicos cataláns fosen condenados a seis anos de prisión por torturar a un arrestado. Outros tres están pendentes dunha petición de oito anos de cárcere por romper o brazo a un detido.

A Audiencia de Barcelona sostén, neste caso, que os axentes actuaron -"sen ningunha dúbida"- de xeito "prepotente e desproporcionada" o deter a un home por unha presunta agresión sexual contra dous turistas estadounidenses.

Máis en elmundo.es