As cámaras de seguridade, fóra das rúas de Santiago

O concello de Santiago terá que retirar as cámaras de seguridade situadas no casco histórico da cidade. Un xulgado de Compostela decretou a execución provisional dunha sentenza, solicitada polo Movemento polos Dereitos Civís (MpDC), que obrigará a retirar estes sistemas de videovixilancia.

Con todo, para que se aplique a resolución xudicial, a asociación debe pagar 3.000 euros ao Goberno local. Ao non ser unha sentenza firme –a corporación municipal presentou un recurso ante o Tribunal Superior de Xustiza de Galicia– a parte demadante ten que entregar esta cuantía para que se volvan instalar as cámaras se esa decisión é revocada máis adiante.

En xornal.com