Ola lector ,  benvido  |  entra  |  rexístrate agora  |  Axuda?

Dereitos Civís convoca concentracións diante das emisoras da COPE pola súa actitude en contra o galego

Written By Virgulino on 17/4/08 | 17:44

Por mor das últimas actitudes belixerantes que a nosa lingua vén de sufrir, o Movemento polos Dereitos Civís convoca para o vindeiro mércores 23 de abril a toda a sociedade a concentrarse diante das sedes que a COPE ten nas sete cidades, baixo o lema "A Cope quere amordazar a nosa lingua. Non llo imos permitir". Con este acto quérese manifestar un claro rexeitamento contra a política de agresión ao galego practicada polo grupo mediático da Conferencia Episcopal.

Hai unhas semanas Radio Popular, S.A. (propietaria da Cadena Cope, a emisora da retrógrada Conferencia Episcopal) denunciaba perante o Consello Xeral do Poder Xudicial a unha maxistrada galega, a titular do Xulgado do Social núm. 2 de Santiago de Compostela. A acusación dos servizos xurídicos da radio dos Bispos –acusación que acabou sendo arquivada- baseábase na suposta parcialidade da xuíza por permitir a utilización do galego nun xuízo contra a emisora e por emitir tamén en galego a sentenza do devandito xuízo. A denuncia da Cope, que parece ignorar o carácter oficial que na actualidade posúe a lingua galega, é reveladora do ánimo vingativo da emisora ao recibir unha sentenza contraria aos seus intereses empresariais e tamén dos seus fondos prexuízos contra o galego, unha lingua que dista moito de ser de uso normal na Administración de Xustiza, o que fai aínda máis valioso o compromiso e esforzo individual de xuíces como a denunciada pola emisora episcopal. Por estas razóns, Dereitos Civís convoca a toda a sociedade galega a participar nas concentración que se van realizar diante das emisoras que a COPE ten nas sete cidades galegas e anima ás asociacións e colectivos a rexeitar de xeito unánime actitudes como a da radio dos bispos. Ao final do acto darase lectura o manifesto “A COPE quere amordazar o galego. Non llo imos permitir”. Pregamos a maior difusión posible deste acto, pois canta máis xente participe na convocatoria máis claro chegará a nosa mensaxe.

Lembra: Concentración contra a actitude belixerante de Radio Popular S.A. en contra do galego.

Lugar: Emisoras da COPE das sete cidades galegas.

Día: mérores 23 de abril.

Hora: 20:00 h.

Estas son as direcciós da COPE nas sete cidades:

Santiago 97.1 FM
Xeneral Pardiñas, 14-16, 1º

A Coruña 96.9 FM
Linares Rivas 6-7, 7º

Ferrol 873 AM
Praza de España, 5-6, 1º

Lugo 1224 AM / 88.9 FM
Valiño, s/n. - 27008 Lugo

Ourense 1143 AM
Progreso, 89-5º

Pontevedra 106.6 FM
Joaquín Costa, 1, 1º

Vigo 900 AM / 87.8 FM
Príncipe, 57-1º



5 comentarios:

Fer dijo...

A COPE está contra o galego, contra os galegos, contra Galiza, contra os homosexuais, contra os inmigrantes...

Lampiao dijo...

Si. pero o peor é o do Consello Xeral do Poder Xudicial que aceptou estudar o asunto.

Anonymous dijo...

...E dándolle publicidade de balde, coa frecuencia onde se pode escoitar¡¡

Entón esto como queda? Ás 8, nesas rúas que dis, das 7 capitais, con esas frecuencias nos transsistores¡¡ XDDDD

Un xulgado dando unha sentenza en galego, eso si que é novidade¡¡ Parabens a ese xuiz que o fixo¡¡¡

Movemento polos Dereitos Civís dijo...

Si, pero o mércores 8, non xoves.

Un saúdo

Movemento polos Dereitos Civís dijo...

Si, pero o mércores, 23, ás 8 da tarde. non xoves.

Publicar un comentario