Máis de 90 queixas non recibiron a día de hoxe o acuse de recibo que obriga a Lei do Valedor do Pobo
Movemento polos Dereitos Civís quere denunciar o incumprimento das obrigas dunha institución pública como é o Valedor do Pobo. O pasado 31 de xullo, o propio Benigno López facía unhas incomprensibéis declaracións a diversos medios nas que minusvaloraba gravemente o galego. Este feito fixo que máis de 90 persoas, a iniciativa do MpDC, enviaran as súas queixas ao propio Valedor, e polas que non obtiveron, case un mes despois, resposta algunha.
Nestas queixas, a cidadanía facía algunha recomendación ao Sr. Benigno en aras de que cumprira o mandato recibido e un dos fins encomendados no seu nomeamento, como é a defensa dos nosos dereitos lingüísticos. Hai que lembrar que o Valedor do Pobo facía o pasado mes de xullo varias declaracións aos medios de comunicación que minusvaloraba o noso idioma.
Nelas, Benigno López afirmaba, por exemplo, que “o principal inconveniente que pode ter o uso do galego na administración de xustiza, é que pode resultar, en certo xeito, perigoso”. Ou tamén dicía, sen ningún tipo de reparo, que “pretender que un xuíz someta unha sentencia dictada en castelán á traducción dunha oficina é, igualmente, perigoso por que nunha sentencia non hai só unha literalidade, se non que vai imbuída do espírito da sentencia, é dicir, o que o propio xuíz que a dictou quere dicir nela, e é difícil que esta percepción póidase facer por terceiras persoas”.
O MpDC denunciou publicamente no seu día a inconvenencia de facer unhas declaracións coma estas, sobre todo, ao tratarse do Valedor do Pobo, unha institución pública que como ben di o nome, pulará para a defensa e lexitimidade dos dereitos da cidadanía, non para posicionarse dun único lado da balanza.
Por todos estes motivos, o MpDC solicita ao Valedor que remita a contestación oportuna a cada unha das queixas recibidas e rectifique as súas declaracións nas que minusvaloraba o noso idioma.
O Valedor do Pobo non responde a ningunha das queixas contra as súas declaracións nas que minusvaloraba gravemento o galego
Written By Virgulino on 28/8/07 | 11:24
Suscribirse a:
Enviar comentarios (Atom)
6 comentarios:
A verdade e que eu presentei a mina qeixa fai semana e ainda non me contestou
Eu entreguei a minha reclamaçom pessoal vai mais de três semanas, tenho a copia selada coa data de entrada, e nom tenho resposta.
A atención de Fer.
Desde o MpDC vamos enviar as copias que nos chegaron por mail (as 90) no Parlamento para protestar pola actuación do Valedor.
Nos sería de grande interese poder aportar a túa tamén.
Si queres, nola podes facer chegar escaneada ao mpdc@movemento.org ou a nosa dirección Posta (Rúa Miguel Ferro caaveiro, 10 | Santiago de Compostela)
Saúdos
Noraboa polo novo desenho da páxina ;)
E gracinhas polo voso trabalho
kiko das Leiras
Gracias a ti Kiko, e seguiremos intentando millorar a páxina.
Non me deas as gracias ;)
O trabalho é voso!
Publiquei esta nova no web da CiberIrmandade.
http://www.ciberirmandade.org/sitio2007/content/view/304/1/
Por certo, podes subir á páxina algun logo máis pequeno do MpDC pra empregar esa URL nas vindeiras novas??
Apertas
Kiko das Leiras
Publicar un comentario