Ola lector ,  benvido  |  entra  |  rexístrate agora  |  Axuda?

Dereitos Civís xa non se reunirá coa Unión Federal de Gardas Civís

Written By Virgulino on 10/8/07 | 11:43

O encontro fora solicitado por Javier Martinez (representante en galiza da UFGC) durante o pasado mes de Xullo

O MpDC decidiu non encontrarse coa Unión Federal de Garda Civís, tal e como pedirá o seu representante en Galiza, ante a postura intransixente e fundamentalista que ven mantendo nos medios de comunicación pola actuación de Banda Bassoti en Ferrol e o debate sobre o galego có Bloque Nacionalista Galego.

Aínda que o MpDC apoia as críticas realizadas por ese colectivo á detención de un membro da Garda Civil (tamén quere lembrar que os Corpos e Forzas de Seguridade do Estado realizan detencións similares a cidadáns galegos e que logo son defendidas por eses mesmos funcionarios nos xuízos correspondentes sen ningunha tipo de crítica pola súa parte) considera que a actitude amosada pola Asociación Profesional é pouco respectuosa cós dereitos dos demais cidadáns.

A falta de respecto ao nosos dereitos lingüísticos e chamamentos á desobediencia civil con frases como “a Unión Federal defenderá aos axentes no uso do castelán e participará activamente en campañas de desobediencia á norma” ou ameazar ao alcalde de Ferrol con declaralo "persoa non grata" e emprender accións xudiciais contra el por permitir o concerto de Banda Bassotti supoñen unha liña de actuación que amosa corporativismo e pouco respecto as normas vixentes.

A Garda Civil ten que respectar a lexislación vixente, como calquera cidadán, niso se basea un Estado de Dereito. A lexislación recoñece que os cidadáns galegos teñen dereito a seren atendidos en galego e os Corpos de Seguridade do Estado teñen a obriga de cumprilo. A liberdade de expresión é unha das bases do mencionado Estado de Dereito e o deber da Garda Civil e garantir esa liberdade de expresión, non ameazar aos representantes do pobo con demandas por permitir o exercicio dese dereito. No referente á detención irregular dun membro da Garda Civil, o MpDC considera que a UFGC debe manter a mesma postura con todos os cidadáns e denunciar cando se aprecien casos similares con civís e non só cando lles afecte a membros dese Corpo, amosaría coherencia cós seus postulados e permitiría visualizar un menor corporativismo.

Por todo iso, o MpDC considera que non se pode reunir coa UFGC, amósase un colectivo excesivamente corporativista e que incluso mantén posturas contrarias a lexislación vixente. Desobediencia esa lexitima, pero que os seus propios membros son os encargados de reprimir cando o fai o resto da cidadanía.

Mais información da UFGC sobre a reunión.

3 comentarios:

Publicar un comentario