O MpDC vén de solicitar ao concello de Boiro que non instale cámaras de videovixiancia para controlar as zonas onde todos os fins de semana trascorre a “movida”. Segundo os medios de comunicación, os hosteleiros da localidade coruñesa e o goberno local estudian a posibilidade de vixiar esta zona de marcha con dispostivos de gravación.
Segundo a nova aparecida nos xornais galegos, as cámaras colocaríanse na rúa Principal, na avenida de A Constitución e na praza da Mancomunidade para evitar algúns dos desmáns que se producen cada fin de semana.
Dende o MpDC defendemos que debe primar sempre o dereito fundamental ao honor, á intimidade e á propia imaxe, e para garantir o mesmo, debe darse puntual cumprimento aos trámites e requisitos da Lei para a instalación de cámaras de videovixiancia.
Así pois, a mencionada Lei establece un equilibrio entre o citado dereito ao honor, intimidade e á propia imaxe e a seguridade cidadá, onde se pode limitar o dereito á intimidade en “situacións concretas para salvagardar a seguridade cidadá”.
A nosa asociación considera, en función disto, que a instalación de cámaras co único fin de intimidar a quen está pola noite de copas para que teña un comportamento civilizado non entra nos fins previstos desta lexislación. Ademáis, o MpDC propón outro tipo de medidas para evitar estes altercados, como por exemplo campañas explicativas e divulgativas sobre a contaminación acústica, sobre o lixo nas rúas, e demáis problemas derivados das saídas nocturnas.
Segundo a Lei Orgánica 4/1997, do 4 de agosto, na que se regula o emprego de cámaras de videovixiancia polas Forzas e Corpos de Seguridade do Estado en lugares públicos, a utilización destes dispositivos para gravar imaxes e sons en lugares públicos, abertos ou pechados, así como o seu posterior tratamento, encontrase encomendado ás Forzas e Corpos de Seguridade.
Ademáis, a autorización para a colocación das cámaras procederá do Delegado do Goberno en Galiza, previo informe da Comisión de Videovixiancia. Este permiso deberá precisar o ámbito físico susceptible de ser gravado, o tipo de cámara, as súas especificades técnicas e a duración da autorización, que terá unha vixencia máxima dun ano.
Por último, a LO 4/97 dispón que o emprego de videocámaras estará presidida polo principio de proporcionalidade, na súa dobre versión de idoneidade e de intervención mínima.
Por todo isto, o MpDC solicita ao concello de Boiro que non instale as mencionadas cámaras de videovixiancia e cumpra co que establece a normativa a este respecto.
O MpDC solicita ao concello de Boiro que non instale cámaras de videovixiancia para controlar a zona de “movida”
Written By Virgulino on 26/9/06 | 13:10
Etiquetas:
Concello de Ares,
Concello de Boiro,
Dereito ao honor intimidade e á imaxe,
Videovixilancia
Suscribirse a:
Enviar comentarios (Atom)
0 comentarios:
Publicar un comentario