Ola lector ,  benvido  |  entra  |  rexístrate agora  |  Axuda?

Xuizo contra o topónimo "La Coruña"

Written By Virgulino on 26/8/05 | 18:43

O Movemento polos Dereitos Civís (MpDC) presentou o pasado 17 de marzo unha denuncia contra o alcalde de A Coruña, o señor Francisco Vázquez, por desacato e prevaricación. Esta demanda está fundamentada na utilización indebida de perto de 300.000 euros do erario público na batalla legal que o señor alcalde vén realizando nos últimos anos para modificar o nome da cidade. Neste proceso, o Concello de A Coruña suma xa dúas sentencias negativas do Tribunal Supremo que, polo demais, non só non foron acatadas polo señor Vázquez, senón todo o contrario: segue insistindo en utilizar o topónimo "La Coruña" cando o propio Tribunal Supremo afirma que isto é competencia exclusiva da Xunta de Galicia.

A aceptación por parte da Fiscalía da denuncia deu lugar á apertura de dilixencias no xulgado nº 5 de A Coruña, motivo polo que o Concello desa cidade aprobou en pleno, cós votos e contra do BNG e a abstención do PP, autorizar a utilización de medios públicos para a defensa do señor Vázquez.

Desde o Movemento polos Dereitos Civís, cuxo coordinador deberá declarar no caso o vindeiro 26 de setembro, queremos facer un seguimento exhaustivo do proceso xudicial, como proba o feito de que temos pensado presentarnos como acusación popular. Iso supón un esforzo económico importante para o MpDC, pois terá que aportar un avogado e un procurador.

Si queres colaborar, faite membro protector do MpDC cubrindo o seguinte formulario, e así axudarás a facer fronte aos gastos que nos supón tomar parte neste proceso xudicial.

Sen máis, e agradecendo de antemán a túa atención e colaboración, recibe un saúdo

Renato Núñez

3 comentarios:

Publicar un comentario