Ola lector ,  benvido  |  entra  |  rexístrate agora  |  Axuda?

A Policía Local de Santiago segue coa súa actuación agresiva

Written By Virgulino on 7/4/04 | 18:13

Un Policía Local inmobilizou varios coches cós seus conductores dentro por que quería saber quen había tocado o claxo



O MpDC volve a denunciar a actitude chulesca e provocadora que ven tendo a Policía Local de Santiago de Compostela. Onte pola mañá, cando o servicio de grúa procedía a retira varios vehículos da Rúa Peixigo de Abaixo – feito denunciado ultimamente por varios veciños porque entendían como persecutorio – soou un claxo. Neste momento o Policía Local que acompañaba a grúa saíu do vehículo proferindo berros e esixindo a todos os automobilistas que estaban estacionados, e esperaban para saír, que identificaran o responsable deste “gravísimo delicto”. Como ninguén se responsabilizou do feito dixo que ninguén se movía dalí ata que se identificara o responsable e se sentou na grúa. Mentres esperaban o Policía Local reclamou a presencia de dous vehículos máis da Policía Municipal. Durante os feitos se lle requiriu ao Policía Local que se identificara, quen como de costume negouse. O altercado rematou despois de 45 minutos e cunha persoa identificada por ser sospeitosa de tocar o claxo.



Estes feitos se suman as agresións a xovens que saen pola noite, á xa tristemente famosa carga de policías municipais contra traballadores de CESPA, o impedimento para entrar no concello para asistir a Plenos, as negativas a identificarse, a denegación de auxilio, as multas e arrestos de xovens por colar carteis, ameazas, etc... Feitos que están denunciados ante o Defensor del Pueblo, a Fiscalía Xeral de Galiza e o Xuzgado Número 6 de Santiago.



Ante estes continuos desaires da Policía Local, e que ten rematado incluso con feridos, o MpDC convocará as organizacións sociais de Santiago para que o próximo mes Maio participen nunha concentración para mostrar a nosa repulsa fronte a estas actitudes que non se deberían permitir nun Estado de Dereito no que, en teoría, vivimos.

Seguir lendo

O MpDC presenta queixa ao Defensor del Pueblo pola censura no 11-M

Written By Virgulino on 2/4/04 | 13:19

Tamén adxunta os feitos relatados á Petición que ten aceptada ante o Parlamento Europeo para que a Comisión Europea se pronuncie sobre a censura informativa no Estado Español



O MpDC presentou hoxe unha queixa por censura informativa relacionada có 11-M perante o “Defensor del Pueblo”. Esta queixa, similar á que xa presentamos sobre o Prestige e que deu lugar a un informe do “Defensor del Pueblo” no que tachaba a información facilitada sobre o afundimento de partidista e interesada, tamén será remitida ao Parlamento Europeo para que se adxunte á Petición que temos aceptada, e está pendiente dunha resolución da Comisión Europea, có obxectivo de que se pronuncie sobre a censura informativa en xeral no Estado Español.



Na queixa fomulada hoxe pedimos:



se reprochen as actuacións levadas a cabo polos membros do Goberno saínte, instando ás autoridades implicadas a respeitar escrupulosamente o Pacto Internacional de Dereitos Civís e Políticos (Artigo 19), a Carta dos Dereitos Fundamentais da Unión Europea (Artigo 11) e a Constitución Española (artigo 20) os cales recoñecen o Dereito á Liberdade de opinión e á Liberdade de recibir ou de comunicar información veraz ou ideas por calquera medio de difusión sen que haxa inxerencia de autoridades públicas e sen consideración de raias; piden o respecto á liberdade dos medios de comunicación e garanten que o exercicio destes Dereito non poden se restrinxidos mediante ningún tipo de censura, artigos todos eles que consideramos violados polas conductas mencionadas.



Por outro lado, e en base ao articulo 29 da Lei 3/81 de 6 de Abril e o Artigo 46 da lei orgánica 2/1979 de 3 de outubro, se estude a interposición dun recurso de Amparo ante o Tribunal Constitucional en busca do restablecemento dos dereitos que a desconsiderada actuación destas autoridades, nos distintos caso de manipulación informativa denunciados (Prestige, Guerra de Irak, Atentados 11-M, Acidente Yak-42, etc...) lesionou.



Así mesmo e de se derivar calquera tipo de responsabilidade penal, se incoen os procedementos necesarios para o seu enxuiciamento, póndose os feitos en coñecemento do Fiscalía Xeral do Estado, Fiscalía Anticorrupción ou calquera órgano que se considerase competente para o coñecemento dos feitos delitivos apreciados.



Se solicita ademais, que dada a gravidade dos feitos, se cite aos medios de comunicación e/ou persoas que polo relato dos feitos puidesen aportar detalles para aclarar os feitos denunciados, tendo informada á Asociación á que represento, no enderezo indicado no encabezamento, das actuacións que se vaian levando a cabo, por se en algún momento procedese o inicio algún outro tipo de acción xudicial ou extraxudicial.

Seguir lendo

Mapa de cámaras na Galiza


Ver Cámaras de Galiza en un mapa más grande

Hemeroteca

Estadística

Buscar neste blog