O BNG critica que a Constitución non se reformase en 25 anos

El Ideal Gallego | Galicia



Rodríguez denuncia a interpretación partidista da Carta Magna



Axencias / Santiago



Galiza Nova realizou un acto reivindicatorio de autogoberno no Obradoiro

O portavoz do BNG no Congreso, Francisco Rodríguez, dirixiuse ao Goberno, a través dunha iniciativa parlamentaria, para facer unha avaliación crítica da Constitución e preguntar ao Executivo “se considera normal que un texto constitucional non se reformase en 25 anos de vixencia”.



“Non estamos en tempos de actos protocolarios, senón en tempos de análise, de necesario diálogo entre as distintas opcións políticas, sen sacralizar un texto que está obsoleto nalgúns temas e noutros non cumpre, por ausencia dunha verdadeira política social e económica avanzada. Un texto que se reduce a unha especie de Biblia dunha concepción de España excluínte e pouco plural”, sustenta o deputado.



Rodríguez subliña, na iniciativa parlamentaria difundida onte nun comunicado, que “se trata tamén de utilizar un texto constitucional como ameaza contra os discrepantes, xa a través dunha interpretación partidista, restrictiva e interesada do mesmo, xa facendo valer só as súas partes máis contundentes en relación coa unidade de España, como un arma de ataque contra a suposta desintegración de España, fantasma co que se intenta axitar á opinión pública”.



O parlamentario explica que o “problema non está na desintegración de España, senón en se hai vontade ou non de camiñar por unha senda de profundización da democracia e unha estructuración do Estado conforme ao seu carácter plurinacional”.





Galiza Nova





Por outro lado, a organización xuvenil do BNG, Galiza Nova, aproveitou a celebración do Día da Constitución, para reclamar o dereito á autodeterminación e soberanía de Galicia nun acto na praza do Obradoiro no que se reuniron cerca de medio cento de persoas.



O acto contou co apoio de representantes do Bloque e do sindicato nacionalista CIG.



Así mesmo, o Movimento polos Direitos Civís (MPDC) critica a utilización “partidista” da Constitución española e denuncia a “vulneración” de dereitos fundamentais por parte de institucións como a Delegación do Goberno, os executivos galego e central ou a Policía Nacional.

Seguir lendo

El Movimiento polos Direitos Civís denuncia el uso "partidista" de la Constitución y la "vulneración" de derechos

EUROPA PRESS | GALICIA



El Movimento polos Direitos Civís (MPDC) critica la utilización "partidista" de la Constitución española y denuncia la "vulneración" de derechos fundamentales por parte de instituciones como la Delegación del Gobierno, los Ejecutivos gallego y central o la

Policía Nacional, entre otras.



En un comunicado, el MPDC asegura que la Constitución "debe ser modificada" según la necesidad de los ciudadanos, "sin miedo", ya que está "para servir" a la sociedad y "no a los intereses del partido gobernante".



Además, esta organización --integrada por los sindicatos de la órbita nacionalista CIG, CAF y CAE-- pide la creación de "un organismo independiente", constituido por los colectivos sociales, para velar por los derechos fundamentales "lejos de intereses partidistas que menguan a diario el significado de estos derechos".

Seguir lendo

O MPDC denuncia a utilización partidista da Constitución

Considera que se utiliza de forma desconsiderada e só se nombra para conseguir fins partidistas



A Constitución Española recoñece entre outros dereitos: igualdade ante a lei (artigo 14) , liberdade ideolóxica e relixiosa (artigo 16), dereito á intimidade (artigo 18), dereito á liberdade persoal (artigo 17), liberdade de circulación (artigo 19), liberdade de expresión (artigo 20), dereito de reunión (artigo 21), dereito de participación nos asuntos públicos (artigo 23), dereito de petición (artigo 29), etc. ....



Todos estes dereitos, e moitos mais, son vulnerados a cotío polas políticos e autoridades sen ningún remordemento. O MPDC ven denunciando feitos que supoñen continuas vulneración de dereitos fundamentais por parte do Concello de Santiago de Compostela, Delegación do Goberno, Parlamento Galego, Goberno Galego, Goberno Español, Policía Nacional, etc.... durante todo o ano 2002 e 2003.



Esta Norma Suprema que non se pode modificar (segundo a clase política gobernante) foi modificada para retirar dereitos aos traballadores (creación das ETTs) e ignorada para enviar forzas de “loita contra o terrorismo a Iraque” (vulneración do artigo 63).



Mesmo así se utiliza para levar aos Xulgados a un goberno lexitimamente elixido (o Vasco) por querer consultar ao pobo vasco sobre un Estatuto baseado nun dereito fundamental recoñecido polas Nacións Unidas: o dereito a Autodeterminación.



Queremos recordar que a Constitución recoñece os dereitos do Título I tamén aos estranxeiros (artigos 13); sen embargo morren diariamente nas costas do estados español e se lles nega o dereito de reunión, manifestación, libre circulación, folga, traballo, etc ...



É evidente que a clase política que temos os galegos e o cidadáns do Estado Español non merecen nomear, sequera, a Constitución, non son dignos delas e non velan polo que ela recolle e só a utilizan como fundamentos vagos para a obtención de obxectivos políticos.



A Constitución debe ser modificada segundo a necesidade dos cidadáns, sen medo, xa que está para servir aos cidadáns e non aos intereses do partido gobernante.



O MPDC pide a creación dun organismo independente, constituído polas colectivos sociais, e que vele polos dereitos fundamentais, lonxe de intereses partidistas que están a minguar diariamente o significado destes dereitos.

Seguir lendo

O MPDC presenta recurso contra as cámaras de video-vixilancia

Presenta Recurso de Reposición como paso previo ao Contencioso-Administrativo por vulneración da Lei e do Regulamento de video-vixilancia.



O Movimento Polos Direitos Civís presentará mañá, no Concello de Santiago, Recurso de Reposición no que pide a retirada das vidocámaras da Zona Monumental por vulneración da Lei e do Regulamento de Video-vixilancia.



Este Recurso será presentado como paso previo a vía Contencioso-Administrativa xa que segundo o Concello de Santiago, en dous escritos remitidos, as cámaras de video-vixilancia non gravan. Esto supón vulneración do Artigo 1 da da Lei Orgánica 4/97 que di textualmente “A presente Lei regula a utilización polas Forzas e Corpos de Seguridade para gravar imaxes e sons en lugares públicos”.



Si as cámaras de video-vixilancia non gravan (como di o Concello de Santiago en contradicción con outros escritos remitidos ao Valedor do Pobo onde admitía que se gravaba) non se poderá levar a cabo o previsto no artigo 7 da mencionada Lei Orgánica 4/97, ou sexa, no caso de captar ilícitos penais entregar as gravacións ás autoridades competentes para que tomen as medidas oportunas.



De ser certo que as cámaras non gravan non serían efectivas para lograr os obxectivos da antedita Lei: “asegurar a convivencia cidadán, a erradicación da violencia e a utilización pacífica das vías e espacios públicos, así como de previr a comisión de delictos, faltas e infraccións relacionados cá seguridade pública”. Neste caso para o único que serven as cámaras é para observar ás veciñas e veciños de Santiago e non cumplen có seu obxectivo legal.



Volvemos a insistir no desproporcionada da utilización das cámaras de video-vixilancia nunha cidade tranquila como Santiago. Recalcamos novamente na inutilidade das mesmas e o custo económico que supón ós veciños e veciñas que estan pagando para seren observados sen que quede ningunha proba, no caso de producirse, dunha utilización impropia das mencionadas cámaras como xa posou noutras cidades, incluso galegas.



Por último queremos lembrar que o “Defensor del Pueblo” segue, despois dun ano, intentando conseguir os permisos destas cámaras, tanto por medio da Delegación do Goberno de Galiza como polo Concello de Santiago sen que ningunha destas dúas administracións lle facilite a documentación.

Seguir lendo